هەڕەشە و هاندانی توند تیژی ” لیژنەی فەتوای شەرعی ڕانیە وقەڵادزێ ” سەرکۆنە دەکەین !

هەڕەشە و هاندانی توند تیژی ” لیژنەی فەتوای شەرعی ڕانیە وقەڵادزێ ” سەرکۆنە دەکەین !

ڕۆژی ٣٠ ئۆکتۆبەری ٢٠١٨ لە زانکۆی ڕاپەڕین پانێڵێکی فکری لە سەر بابەتی «ئیسلام و سیکۆلاریزم، ڕەنگدانەوەیان لە کایەکانی هونەر و کلتور و سیاسەت لە کۆمەڵگای کوردیدا» ئەنجامدرا. دواتر لیژنەی فەتوای شەرعی ڕانیە وقەڵادزێ لە٢ نۆڤەمبەردا بەبەیانێک هێرشیان کردۆتە سەر ئەوانەی دژی ئیسلام قسەیان کردوە و دەیانەوێ فشار دروست بکەن کە جارێکی تر کۆڕی لەوجۆرە لەسەر ئیسلام نەگیرێت. بە ئاشکرا هانی وتاربێژانی مزگەوت و بەناو”خەڵکی ناوچەکە” دەدات کە نەوەستن لە دژایەتی ئەم جۆرە کارانە سەبارەت بە سێکولاریزم و ڕەخنەگرتن لە دینی ئیسلام.
ئێمە وەک ناوەندی سێکولاری کوردستان دژ بەم فەتوایەی لیژنەی فەتوای ڕانیە و قەڵادزێین ، وە ڕایدەگەیەنین کە ئەم جۆرە فەتوایانە بە ئاشکرا هاندانی توند و تیژی یە بە رانبەربە یەکێ لە سەرەتایترین مافەکانی خەڵکی ئازادیخواز و خوێندکاران ، وە نابێ ڕێگەی پێ بدرێ .
ئازادی ڕادەربڕین و ڕەخنەگرتن و ئازادی بانگەشە بۆ سێکۆلاریزم مافی سەرەتایی خەڵکی کوردستانە و نابێ ڕێگە بەهیچ دەستە و لایەنێک بدرێ لەژێرناوی پاراستنی ئاین و پیرۆزیەکانی ئاینێکدا ئەم مافە پێشێل بکەن و فشاری سیاسی و کۆمەلآیەتی بۆسەر زانکۆ و ناوەندەکانی ڕۆشنبیری دروست بکرێ کە کۆڕو کۆبونەوە و چالاکی فکری و زانستی و کۆمەڵایەتی ڕێک دەخەن.
ئێمە پشتیوانی خۆمان بۆ ئەو چالاکیە مەدەنیانەی زانکۆی ڕاپەڕین دەردەبڕین و داوا لە چالاکوان و خوێندکاران و هەموو کەسانی ئازادیخواز و سێکۆلاری زانکۆی ڕاپەڕین و دەڤەری ڕانیە و قەڵادزێ دەکەین کە هەموو فشاروهەڕەشە و هەوڵێکی کۆنەپەرستانە و دژی ئازادی بێ وەڵام نەهێڵنەوە و شکستی پێ بهێنن. بێگومان خەڵکی ئازادیخواز و سێکۆلاری کوردستان دەتوانن بە پێداگریان لەسەر ئازادی ڕادەربڕین و ڕەخنەگرتن ئەو زەمینەی کۆنەپەرستیە هەڵتەکێنن کە ئەم دەزگای فەتوا شەرعیە کۆنەپەرستانە وەک بەشێک لە دەسەڵاتی حزبە کۆنەپەرستانەکانی کوردستان لەسەری دەژین و گەشەدەکەن. ئەم دەزگایانە لای خەڵکی ئازادیخواز و سێکۆلاری کوردستان هیچ شەرعیەتیەکیان نیە و نابێ ڕێگەی دەستێوەردانیان پێ بدرێ لە ژیانی فکری و زانستی و کۆمەڵایەتی کوردستاندا.
ناوەندی سێکۆلار لە کوردستان
٩ نۆڤەمبەری ٢٠١٨

About Secular Kurdistan

Check Also

ناوەندی سیکۆلاری کورد لە دانمارک بەهاوکاری سەنتەری کلارا سیمینارێکی ئەنجامدا

لەدنیای ئەمڕۆدا، سۆشیال میدیاو میدیای ئەلیکترۆنی ئەو ئاپ وپەیجە مەترسیدارانەی راستەوخۆ یان ناراستەوخۆ کارلێکی خراپی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *